طالب وظيفة

كمساري وعلي المعاش
والوقتي خالي شغْلْ
والقاعدة ما بحبَّهاش
تجيب يا صحبي الفكْر
ألقيش شُغلة ببلاش
بدل إنتظار الموت
إن شا لله عطشجي قطر
****
وصفوني وقالوا فيَّا
الصحة اربع توناش
مخلص قوي في الشُّغْلْ
وف الحق ما توصَّاش
أمين وف شغلي داهيه
وخبير قطرات قشاش
واخدها ف شغلي عافية
مع حبة خباثة ومكر
أعرف اشيل القفف
واستِّف الركُّاب
دنا كنت قبل السكر
عفي و زي البغل
وظهر لي النهردة فجاة
عطل وعيب جديد
القلب الجامد قوي
ابو دقة ذي الحديد
من كتر عشق الصبايا
داب ومحتاج تجديد
فدخلت به الورشة
لسه الأمل باقي
بعد السنين اللي عدت
يمكن بقي ألاقي
قطعة غيار واردة
تظبط فرامل القطر
يوصل ف المواعيد