اشطب علي الأحزان

ساعات أنسي الألم
واكتب وأنا فرحان
يرقص في أيدي القلم
يميل ع الورق نشوان
وساعات اكتب حكم
ذي الحكيم لقمان
واكتب قصايد غضب
وأعتب علي اللي خان
واكتب أغاني الغزل
ف حبيبتي والأوطان
ولمَّا القلم يلمح
ع البعد عيون صبية
ينط جوه ف قلبي

يشطب علي الأحزان

مين يقدر يهرب 00؟

لو ناسي الأجل المتقدَّر

في علم الغيب

كل يوم نور الشمس

بيرحل ويغيب

****

فنهاية الرحلة المتخبيِّ

لعالم الغيب

بيجي علي فكرة

اليوم أو بكره

من غيرما يبعت

إنذار يا حبيب

غير بس
ينحني ضهرك

ويزيد حزنك وقهرك

وتعجِّز ْبدري

وتشيب
****

ما تخافش يا سيدي

من نار الشيب
دا علامك نضجك
ورجاحة عقلك

الشيب يا صاحبي

موش عيب

****

كم ألف عروسة

بتتمني واحد زيك

راجل شايب

حكيم ورزين

ناجح في حياته

ومش خايب

متعلم من لغة الطير

إزاي يغفر ويسامح

ويعالج العيب

*****
عالم متعلِّم

في حاته ناجح

يقدر بسهولة يلجم

غضبه الجامح
في طرفة عين
برجاحة عقلة
ورحابة قلبه
يغفر ويسامح

فصبح بين أهله

م القلب قريب

***

أنا مرة سمعت

كلام ستي

في السربتنصح

أختي بنتي

: لو خدتي يا هبلة

واحد أكبر منك

ماهوش عايب

بحنانه يا حلوة

يدلع شوقك

حتى لو كان

كهل وشايب

ما هو أصله

ف الحب طبيب

****

و أوعاكي

من شاب لئيم

له نظرة عين

قاتلة و ساحرة

بكلامه الناعم

اللِّي كأنه

ألحان عصافير

ياخدك للقمرة

والنجمة الساهرة

من غير م يطير

****

يزرع في جناينك

أشواق وحنين

ويملِّس بكلامه الناعم

علي خصلة شعرك

ويحرك قلبك ومشاعرك

ويحط علي جزوة روحك

نار علي بنزين

وف لحظة عشق

وانتوا تايهين

يقطف ويدوق

رحيق شهدك

حلو مقطَّر

وعد ومكتوب

ومقدَّر

اصل المسكين

زي حلاتي

من ضي عنيكي

اللِّي بكهْربْ

ماشي بالمقلوب

لا قادر يبعد

ولا يهْربْ

ولا حتَّى يتوب

مشوار

مشوارنا بدأ
من أوله
كات خطوته
نار الشرار
والليل 00
الخوف طَوِّله
طب هو فين
لون النهار
****
لا ضي نور
ع المفترق
ولا شهاب
نوره برق
ولا القمر
ف عيون صبية
دار ف المدار
*****
إزاي بقي
ها نكمله
القلب صايبه
الإنكسار
والروح سفينة
بتتخنق
ف مينا ضلمة
معتمة
ولا ضي طالع
من الفنار
فانسج شعاعك
واغزله
قلب وشط
و مينا منار
وشجرة خضرة
مضللة
تطرح لنا
قمح وزهور
ونخيل ودار

تـــــــــــــوبـــــــــــــــــة

أعاتب نفسي
وألومها بيني وبيني
منا نفسي
ساعات تاخدني من نفسي
وأنسي كتير أأقول وردي
وأنسي عهودي ووعودي
وساعات اسمي
ولمَّا أفوق من التوهة
وأرجع عن هوي نفسي
ألاقي نفسي ندمانة ولوَّامة
تحاسبني
ليه يا عاصي تاعبني ؟
بتعصي المولي فتقاسي
عذاب روحي بيألمني
ولجل ما توب من ذنبي
أجر الدمع من عيني
فتهديني لنور ربي
أقر بذني وأتمني
رضي التواب
يتوب قلبي

أمسيات شعرية رمضانية بنادي أدب عزبة البرج بدمياط

قام بالتغطية الشربيني خطاب
الله علي الصحبة والسهر واللمة في ليالي رمضان ، دعوة كريمة من نادي أدب عزبة البرج للإفطار وقضاء أمسية شعرية في رحاب الأحباب بمقر دار الضيافة بجمعية عزبة البرج والمضيف مديرها دمث الأخلاق العميد محمد بيصل ونادي أدبها الذي علي قمته الشاعر احمد راضي اللاوندي وكروان الأمسيات الشعرية علي مستوي وجه بحري وشرق الدلتا ولا أكون مبالغاً إن قلت علي مستوي الجمهورية الإذاعي سابقاً ودينامو الشبكة العنكبوتية حالياً الشاعر احمد الشربيني وكوكبة من الشعراء من المحلة وميت غمر والمنصورة وشربين ودمياط ويور سعيد يحتويهم برعايته محب الأدب والشعراء الأستاذ علاء الأشعل أبن محافظة الدقهلية
يتقدم الكوكبة الشعرية نجمات لامعات هن بنات الشعر والجمال وزهرات المجتمع اللامعات السيدات تقي المرسي ، سيدة الشولي ، نجلاء فتحي ، أماني ، سارة بيصل وامل البرمبالي وقد بدا وصول الشعراء تباعاً ، و لا يخلو الموقف من طرفة أو مداعبة، فحضور أحمد الشربيني يحتاج إلي كامبرا تليفزيونية لتنقل لنا المشهد
طالع الدور السابع علي آخر نفس ، يجمل بين جوانحه حب لا آخر له للشعر والشعراء ، تحت إبطه حقيبته وفي كل يد كيس مملوء بشراب العرق سوس ولم يكن الأديب الكامل سمير الفيل أحسن منه حالاً ، فلما التقط أنفاسه ، شرح لنا أسباب الإرهاق 00 من الصبح عمالين نحضر مسابقات وندوات شعرية إلا انه تماسك وأطلق أولي قفشاته " يعاقب أحمد الشربيني بفقد كيس من اكياس العرق سوس حالاً 00 رفعت الجلسة 000
بعد مصادرة الكيس وانطلاق مدفع الإفطار 00 أين تقي المرسي 000 في الطريق 000جاية حالاً ولكنها وصلت قبل أن ننتهي من تناول طعام الإفطار بقليل وهي تحمل تلهث أيضاً ، تحمل حقائب بها حلوي صناعة منزلية وليست صناعة محلات دمياطية 000
إيه اللي أخرك ؟ 000 ما لقتشي مواصلات 000جايه ماشية ولسه ما فطرتش 000
التف حولها زهرات الأمسية وشرعن يقدمن لها ما لذ وطاب من الدجاج واللحم والكفتة والبامية والأرز وصواني البطاطس بالدمعة ، وهناك مقولة مغرضة أطلقها احد الخبثاء مفادها أن كثرة تناول البطاطس " القرديحي " تصيب الرجال بحالة بجم وصمت وتكتم علي الأنفاس وتصبح عملية التنفس عسيرة وخاصة إذا كانت البطاطس من غير لحمة 0000 أو كانت البطاطس محمرة 000000ههههه
بعد الإفطار انتشر الضيوف لصلاة المغرب والعشاء وشرب الدخان والشاي الأسود والقهوة المرة علي المقاهي واستأذن الأديب سمير الفيل في الانصراف لارتباطه بموعد ندوة أخري سيترأسها ، واستمر اللقاء علي القهوة إلي أن حان موعد صلاة العشاء ، بعد أدائها بدأت الأمسية الشعرية بدار الجمعية وأثنائها حضر الشاعر حسنين بدر 00
بدأها الشاعر أحمد الشربيني بطرح موضوع للمناقشة يخص التناص في الإبداع الشعري مع المعتقد الديني وتسائل ، هل النص الذي يحيل بصوره علي معني سامي أو نص قرآني يخرج كاتبه من الملة أو تلك النصوص التي تقلد شعراء وكتاب الغرب والشرق أصحاب المنهج المعرفي المسيحي يهودي والذي يؤمن بان لا عصمة لنبي أو التطاول علي ذات الله كما اخبرنا القرآن الكريم عنهم { إن الله فقير ونحن أغنياء 000} الآية { يد الله مغلولة ، غلت أيديهم 000 } الآية تفرقت المناقشة بين فهم استخدام المعني المجازي في الصور البلاغية في النص بغرض إحداث المفارقة وبين التطاول علي المقدسات الدينية كما في نص شرفة ليلي
مراد مثل هؤلاء الكتاب ربما يريدون الشهرة العالمية في دول الغرب والشرق المتصهين كصاحب الآيات الشيطانية وكاتب وليمة أعشاب البحر ، أتذكر أيضاً حوار مع الله لتوفيق الحكيم
لولا أن الأخير استتابه الشيخ محمد متولي الشعراوى فندم علي ما كتب وتاب قبل موته00
واستقر الرأي ، علي أن التناص مع النص الديني يفهم بالمعني المجازي داخل سياق النص ذاته ، فلا تقطع الكلمات والألفاظ الدينية من جمل السرد النثري او الشعري وتفسر قصراً بعيدا عن النص كمعني لغوي أو معناها الذي ورد في الآيات والإحالة علي معني أسباب نزولها ، فشعراء الغرب والشرق الذين يكتبون وفق منهج معرفي مسيحي يهودي تبشيري ، ينتجون إبداعهم للمستهلك المؤمن بتلك العقيدة المسيحية أو اليهودية والتي تؤمن بإباحة كل الأشياء ، وتنتقد كل شيء ، فلا تؤمن بعصمة نبي أو أي إنسان بل تطاولوا علي ذات الله من قبل كما اخبرنا القرآن الكريم ولكونهم سبقونا في تأصيل فنون الكتابة والنقد {ملاحم شعرية ـ مسرح ـ قصة ـ رواية000 الخ } ونحن ورثنا تراثاً شفهياً للحكايات والسير والشعر الجاهلي القائم علي ملكة اللغة الفطرية والموهبة الشخصية وملكة الحفظ ليس لها منهج علمي أو نظريات نقدية سوي عادات وتقاليد الأمر الذي جعل بعض الكتاب المسلمين يلجأون لنتاج الأدب الغربي والشرقي يترجمونه ويسيرون علي منهجه التبشيري دون وعي بأن المنهج الإسلامي لا يؤمن بحتمية الصدام و الصراع مع الآخر بل أن المنهج المعرفي الإسلامي يؤمن بالوسطية وشتان بين المنهجين ، وانتهت المناقشة علي أن الفن
أي فن يبيح للفنان ألا يلتزم إلا بالمعني المجازي غير المباشر الذي يريد أن يوصله للمتلقي ، وتتوقف عملية التوصيل علي اختياره للغة ذات كلمات و ألفاظ دلالية داخل سياق الجملة المكتوبة تخدم الغرض الذي أراده ، ثم بدأت الأمسية الشعرية



ملحوظة هامة
أقدم اعتذاري للأستاذ علاء الأشعل ابن بلقاس و للشعراء حسنين بدر ابن فارسكور واحمد عيد أبن المحلة الكبري ومحمد حجازي ابن بور سعيد لعدم تمكني من إضافة صورهم للأسباب فنية لا أجيدها وكذلك الاعتذار لكل من سقط سهوا اسمه أو خطأ مني في كتابته أو الشعراء الذين لم تكتب قصائدهم


الشاعر أحمد الشربيني يدير الأمسية

الشعر عمره ما كان
كلام مرصوص
وبسْ
ولا تهويمات بالتفعيلات
ولا هو متحف
مفردات
للناس تبصْ
دا الشعر حسْ
الشعر شفرة
لشيء بيجري
يمسْ نبض القلب
مسْ
*****
ليه لأرتباك ؟
قول ما ف حشاك
بسجيتك
قول كلمتك
واطلق معاني غنوتك
مبقاش مهم
تكون بكا أو زقزقه
لكن المهم ف فكرتك
ماتكونش باهتة ملقلقة

 

مدير الدار العقيد محمد بيصل يتابع ويصور

الشاعرة أماني تلقي قصائدها



الشاعر الشربيني خطاب

يا محنِّي 00

عصفور
في سرب الأمل
كورس و بيغنيِّ
عينه علي عصفورة
عمَّاله بتغنِّي
الصوت كمنجة وعود
والناي مزامير داود
خلاَّ قمر الليالي
سهران ومستني
****
الكل بيعشقها
رمي قلبه تحت جناحها
فرميت أنا قلبي
لجل ما نسمعها
سحراني بجمالها
ودلالها وقوامها
الوش هالة ضي
و ديلها متحنِّي
****
أتاري الجوقة نشوانه
مسحور عصافيرها
كل العيون م الشوق
أنزه و بصّلها
مهما إنبحْ صوتنا
الكل علشانها
طاير و بيغنيِّ

يادي الكسوف 0!

إلاَّ قول لي
لون الكسوف
في العنين
ولاَّ الخدود
طب ليه الخجل
بيخللِّي
صفحة الوش
تطرح ورود
****
نفسي اقول لك
بس خابف
لشوقي الملهوف
يطرح علي وشي
حبة خجل
فالقاني ألحق
بالعجل
واهمس ف سري
يادي الكسوف
***
أنا مرة شفت
خد القمر
أحمر 000
بلون الورد
مكسوف
لمَّا شافني
ويَّا نجمة شقية
ف ركن السما
بنستهجي
ف الحروف

******

الشاعرة تقي المرسي تلقي قصائدها


صباحْ فاردْ شراعه قلوب

بتبدر فِ النسيمْ غنوه

و( نيل ) مهما يمرّرنا

نقول برضُو الحياه حلوه

وليه الحزنْ فيه بالكوم

يفيض بالدمع والقسوه

في شط بيغسله بهموم

وشط يداري فِ الشكوى

دا كانت ضحكته تسكرْ

وكان فلاحْ ومتعافي

وليه دلوقتْ صوته أنينْ

وكان صوته نغمْ دافي

يا بويا مينْ كسر عودك؟

وشلّ ف ايدي مجدافي؟

ومينْ يا نيل حنى ضهرك؟

وعكر قلبك الصافي؟

وليه نخلك صبحْ عاري؟

مطاطي للزمن والريحْ

وكان يعشقْ شموس عزّك

ويغزلْ ضيّها تسابيحْ

صباحك نيلْ يا بو الطيبة

يا بلسم والغيطانْ مجاريحْ

هنستنى الليالي تعودْ

وتزرعْها النجوم تفاريحْ

******

الشاعر ابو الخير بدر يلقي قصائده
مفتتح
قعدت تقصقص فـ الورق
تصنع عرايس
و تشك بالإبرة في عين البصاصين
تقرا فـ ورد طه
و عدية ياسين
و تلم من شعر البنات الخصلْ
بتحط ع الفحم شبة
و تطلقْ بخور
ليه يا ضنايا
معدتش حنون ؟!

استنزاف

شجر الكلام ف الخلق صابه الخريف
سقط الورق ع البلاط اندَّشْ
أتنتورت كل الحروف أشلاء
والمعنى لما انشرخ
أصبح هشْ
يامين يلم الحروف
يبدرها من تاني
تطرح قصايد مصايد
دباحة في الشرايين
تطلع من الحلق
تتشظى في الصايب
ترشق في قلب الخايخ
الملعون بداء الأنا
مصاص الدماء
اللي في أول سهم
صاب السدس بجنونه
نعق الغراب في الخلا
حلـّـق تشلب نيابه
ع الخرايب سيل
كل الخرايب ع الخرايط
ملمسها نعناعي
كل الخرايب
في الحقيقة نزيف
يا مين يبني السد
في مجرى النزيف
سامعة العيون صوت الهديل
ع الزيتون أحلام
شايفة الودان صورة الدمار
تفسير
الخايخ الملعون
بداء الأنا الطيني
المستعار العار
البرجوازي النازي
الفاشي الماركسي
التلات ورقات
لاضم جماجم تاج ،
وسوار ، ودلاَّية
رافع في إيده
كاس الدم بيعبي
الخايخ الملعون بداء الأنا
جواك وجوايا
ظاهر وليه نخفيه ؟

الشاعر عبد الناصر حجازي ينعي شهداء الدويقة


سلــّـفني عكازك


سلّفني عكازك
أحسن نسيت رجلي …
على سرير المرض ،
ونفسى اكون فى الوقت دا جنبك
أنا الحبيب اللى الضباب توّهنى عن قلبك
واقف باراقبك .. من بعيـــــــد
شايفك … وحيد ،
راكب حصان القادسية تآزر " الخنساء " ،
بدمك البنّور بتروى كربلاء ،
و تناول السيف للحسين
من غير ما تسال عنى فين ،
مستكفى بالدم اللى خارج من وريدك ،
حالف ما تكتب غير بإيدك للوطن مواويل ،
و بتخطف الراية من الإيد اللى عاجزة تشيل
وبتجرى خلف الموت ،
واما الوطن اصبح سجين محتل ..
عملت من جتت الحبابيب تل ..
ووقفت فوقه تشد بالعكاز خيوط فجرك
ماهو انت بالعكاز سبقتنا كلنا ،
ورحت تطلب للشجر إيد الربيع
رافض تبيع وردك لتجار الحطب ،
رافض تكون الا العراقى ،
رافض شعار مات الفدائى ..
طول ما انت غارس للوطن جدر الحياه ،
طول ما انت واهب للمدن دمك سبيل
ووشوشنا لما هتترسم ع الغيم ..
هتبقى انت الجميل ،
انت اللى خالى من العكارة ،
انت اللى بتحطم تماثيلنا الحجارة ،
انت اللى رافض من زمان تبيع عزالك ف المزاد ،
وفضلت تتمرّغ فى دمك ..
وانت حاضن بالقوى بغداد
شايل فى قلبك حلمها ..
وماشى تعرج ع الخريطة تلمّها،
وتكتب لها بدمك نشيد
واقف براقبك من بعيد
وعشان ما تحرجنيش عاطينى تمللى ضهرك
بس صدقنى انى شايل نص قهرك ،
وانت شايف كام مراقب ع الحدود..
مانعيننى ادحرج لك مشاعرى ف قنبلة،
مانعيننى احط عنيّا ف سلاح العروبة( طلقتين )
بينى .. وبينك .. خطوتين
بس القانون حاططلى فيهم ميت لغم ،
ومش هعدى سليم بدون ما تجيب لى عكازك
سلفنى عكازك ..
أدوس به ع الألغام واعديلك
ينوبنى من نخلك شوية خوص ،
ينوبنى من وردك تقاوى عبير ،
يبقالى ( آية ) فى ( سفر ) إنجازك
سلفنى عكازك
أمشيبه لو خطوة
أحسن مكان رجليّا عطّن م الوقوف
اسلخنى من جلدى اللى مات ،
قشّر مشاعرى …
تلقى جوّاها المدافع ،
تلقى قلبى فى الحصار واقف يدافع …
عن النخلة اللى طارحة المجد
دمك فى ساحات " الخليج " ..
سايل على افخاد العروبة
و فرخة اخواتك فى يوم جوعك …
ما باضتش غير طوبة
فـ ربطت فوق بطنك بارود ،
ومشيت تلملم جتتك
مش لاقى إيد تتمدّ لك ..
و تناولك اللحم المبعزق ع الهدوم ،
وقعت و بترجع تقوم ،
وتشد روحك من إيدين الدوّامات
و نصّك التحتانى مات ..
لكن بتزحف عالإزاز ،
و تشبّ فوق كتف السما ،
تكتب بضلع ابنك سطور الملحمة ،
و تشدّ عصفور الوطن …
من بين سنان وحش الفلا
واقف لوحدك فى الخلا ،
والوحش جارر ألف كلب وراه
بيسلّطوا المدفع …قبال الله ،
ونا لسه واقف ع الحدود ،
راشق مشاعرى ف شاشة التلفاز ،
و نفسى اجيلك… إنما …
أجيب منين … " عكاز "
********

أنا الجاسوس

أنا الجاسوس
اللى انتوا بتحاكموه
بتهمة إتصاله بالعدوّ
وكل واحد فيكوا
حضر" لى القرار والمشنقة
من غير ما تلسع قلبه نارى ،
أو يعيش لحظة فى مرارى ،
أو يحسّ بأزمتى
لو قلتوا
قبل ما تتشنق نفسك فى إيه ؟
هاقول : تدوّى صرختى ،
تدّونى فرصة
اصرخ واقول لكوا كلمتى
بعدين تحطوا المشنقة ..
فى رقبتى لجل احصل
على ( حريتى )
أنا الجاسوس
اللى اتصل بعدوّكم ..
لما اكتشفت .. إن انتوا أعدائى الأشدّ ،
انتوا الوحوش المصّة دمى وآكلة قوتى
انتوا اللى بتتاجروا بحياتى
ولسه هتاجرم بموتى
إسمعونى ..
يمكن ابقى لحدّ من أحفادكوا
درس من الدروس
أنا الجاسوس
اللى النظام لعب بأحلامى الإزاز
ومشيت فى وسط الاحصنة مركّب جهاز
ضهرى الخسع ..
سّبب لبطنى الضرب من كل اتجاه
نهرى الفقير ..
ممنوع يصبّ فى بحركم ،
ممنوع يكون لى زيّكم ضلّة وشجر
بتزرعونى ف لحظة الشهوة الحرام ..
وبتقطفونى فى العطش ،
بتخصخصوا حريتى ..
وبتخطفونى بالقانون
وبتلغوا عقدى مع الحياة
بطلب إحاطة
سلّمتوا أحلامى للصوص العولمة ..
وقبضتوا حقى بالدولار
ضحية بين شاشات إباحة ..
شيوخ بلاستيك .. كل أشكال القمار
ع الزيرو 900
حقق حلمك الميّت وكرّر لاتصال
وتحوّلوا الحلم لحسابكم فى البنوك
أنا عبدكم ... وانتوا الملوك
أنا الحرس ... وانتوا النيام
أنا القيام ... وانتوا الجلوس
أنا الجاسوس ...
اللى اتعمل لى ألف جنحة
وألف محضر ...
يوم ما فكرت انى ابيع
فاكهة وخضار ،
وكفرت بالحج اللى عارضاه الحكومة
.. للى يكسب فى القمار ،
أنا الفقير المستحى ،
أنا النجيل المستباح
بيتّهمنى المرتشى
واللص والقواد ..
عشان ماليش ضوافر أو حشف
احكم بسرعة يا قاضى
قبل ما تنكشف زى الرفاق
احكم بسرعة أنا فى اشتياق
اروح لقاضى بجدّ عادل
هوّ اللى أعلم بالنفوس
أنا الجاسوس
اللى انتوا جوّعتوه لحدّ ما عضّكم
اللى اترمى فى الحجز
لحظة ما اللصوص طلعم براءة ،
بعت صوتى ع البطاقة بحق فرخة ..
وانتخبت اللى استباحنى ،
اللى يوم العيد دبحنى ،
واشتكانى لما زاد وجعى وصرخت
وقلتم ان الثّورة أنهت ع الفوارق
الفوارق فى ازدياد ،
وكل خرم فى مصر
بيفيّص فساد ،
وفيه طبقتين فى البلاد :
الأولى بتهيّأ حريمها للخديوى ،
والتانية بتشحّت عرابى
قلوبها حاف
الأولى بتضاجع عدّوى ..
والتانية بتحّميها بدموع العيال
تلاتين سنة وبقبض تراب ..
فى مصالح المغضوب عليهم
المحرومين من أى ميزة
وأى ( كادر )
أما اللى كرشه بيشغى دود ..
اللقمة من إيده بحلل
هو اللى يسرق
واتحبس دايما مكانه ،
هو سلطاننا فى زمانه
أما انا ...
ع السلّمة الواطية افضل احبى
واشدّ فى هدوم الرغيف
ولو مشيت عكس اتجاهكم ...
يتعمل لى مخالفة وأتّاخد تحرّى ..
واصرخ ما فيكم حدّ فكّر يلتفت
وغصب عنى بتحلم،
وغصب عنى ليلاتى يرعبنى الكابوس
أنا الجاسوس
اللى انتوا من ستين سنة
بتستعبدونى
تضحكم دايما بدونى
بس وقت اللطم بتحنّوا لخدودى ،
بتسرقوا الخطوة اللى رجلى محوّشاها
رجلى اليتيمة الماشية تئزح ع البارود
أما انتوا رجليكم بتضغط من زمان ..
على بقّى والأمر السيادى
: اسكت وبوس
أنا الجاسوس ..
اللى ان ديدان البلهارسيا تحشّ كبدى ..
ما لقاش فى مستشفى الأميرى ..
غير شريط طباشير ما يسوا التذكرة ،
والطيارات محجوزة للرقاصة
تتعالج بأمر من الولي
ساذج وصدّقت الولى..
فى يوم ما قاللى
: همنع الدرس الخصوصى ..
لجل تلقى للعيال تمن الرغيف ،
و ف يوم ما قال
ان المناصب والمراكز والمجالس ..
من هنا ورايح هتبقى للشريف ،
وف يوم ما قال
شجر العدالة هيرمى ضله على الضعيف
وما خدت من مطر الوعود الا البخار ،
واستسلم الكبش الضحية للرحيل
هموت بدلكم
وانتوا تحيوا نيابة عنى
مانا عشت عمرى اعرق بدلكم
وانتوا تقبضم الفلوس
أنا الجاسوس
حبيت اجرب مرة حق الإختيار
حبيت اجرب وأنتخب مرة بإرادتى ..
فانتخبت عدوكم ..
واختّرت ابيع العمر للّى يدفع أكتر
ادبحونى
واشحنوا بدمى الموبايلات اللى جايّة لكم ( كادوه ) ،
أو فوّلوا بدمى الرخيص السيارات آخر موديل
أو اشنقونى واقطعم ديل الخيانة
مع إن كان مفروض عليكوا
تبدؤا بقطع الرؤوس
أنا الجاسوس
اللى حساباتى كلها طلعت غلط
جيت اختبر حريتى قلت لآمون :
العهد طوّل ..
والرعايا نفسهم يمشوا فى جنازتك
قام حالفلى
ما يمشى غير لو ساب وريث ..
ياخد عزا كل الرعايا !
فمشيت وراه ساكت ..
ورغم سكاتى سابنى فى الطريق ..
وتهت علما ان انا صاحب الفانوس
أنا الجاسوس .. وكلكم جواسيس
بتتقابلم مع الأعداء فى نص الليل ..
بتتفقوا .. وتتواصلوا ..
وبتاجروا .. وبتفاصلوا ..
وتتساهلوا ف تمن دمى ،
بتنسوا ( قضية الأسرى )
وتفتكروا اللى من قهره
استجار بالريح ..
وحاول يلقى فى الليل العقيم
طلق الشموس
*****
آدى الدفاع عن نفسى
وادى التبريرات حضّرتهم ..
عشان اقولهم
لو صحيح ..
القهر زوّد أزمتى ،
ولقيتنى مضطر انى أكون
.. فعلا .... جاسوس
.

******

الشاعر صلاح بدران يلقي قصائده
قراءات في وجدان محموم
سئمت التأمل
سئمت التسكع خلف الرغيف
سئمت التهاتف خلف السطور
وعبر الدهور صقور تدور
****
أغلق فوهة التنور 00
وتربصْ 00
فلعل الأفلاك تدور 00
وأدور 00
سيَّافك يا دنيا00
مسرور 00
وحكايانا تجترْ سراباً00
مخبوءاً 00مطمور 00
سقف 00مسجور
قاعُّ 00مقعور
بيتك
في أيد قراصنة الأعراض
أغلق عين الضاد
أطفئ مشعلة المنطاد
*****
عبَّاد الشمس الصابئ
نحو الغرب يصلي00!!
وبيت الليل المعتم
في أحضان الشرق ينوح
صدري 00 مذبوح 00
دمك المسفوح00
دمي 00
وأنبتك في قلبي سوراً
آيــــــــات 00
آمنت بأن الشمس
توافي أرجاء الكون
وأنِّي 00
ذو جفن مقروح00
يــا الم الوجدان المكبوح
طاغوت الخوف الجاثم
بين حناياك00
جروح 00
يا هذا الشيخ المجروح
علي درب العمر
أذكار أبي 000
صلوات الليل الذائبة
علي شفتيه
طريق 00مقروُء00
مبدوء 00 مفتوح
قدوس 00 سبُّوح00
المد الثوري
علي وجه الأطفال
بحور
طوفان الغضب الفاتر
في جوف التيار
وعبر دروب الأنفاس
أسوار الأرحام صروح
وحصون
يا هذا الزمن المجنون
الطهر العذري تفتح
في صحو الأيام وغني
لام 00 نون00
سنكون00
يا هذا الزمن المجنون
أقلام الأطفال المشهرة
علي ساحات الصفحات
والضحك الأخضر
أمل00 يتجسد 00
يتصور 000
يا هذا الصبح تفجَّرْ
لا تتعثَّرْ00
فالطهر العذري تفتح
في صحو الأيام وأثمر ْ

******

حكايات أمي

سيصلبونك فوق عودك
فاحتمل 00!!
سيصلبونك فوق عودك
فاستند00لفتات روحك
واحتطب
من واحة الذكري خيولك
إنه00وقت السفر
لملم وريدك
والشرايين الضفيرة
واجلد الجلاد
واستصرخ بلاداً
مات فيها الموت
واندثر الخير
سيصلبونك لا وزر 00
والعيد أضناه انتظارك
فاستوي
في ساحة المحراب
ينتظر الإقامة
*****
سيصلبونك لا وزر
حتى ولو كنت المجنح
فوق أرض الزاحفين
حتى00ولو كنت المواثق
صفحة الطين الغرينه
تغرس الأقدام
والسيقان تستق الرجاء
وتحتمي 00ألف ابتعاد 00
تسبق الأيام بالأيام
تحمل روحك الأيدي
لكن 00لا وزر
يمتصك السرداب
نحو الجب00 لاذعاً
ولا ساكناً 00
تصبو بساحة الأقدار
حرفاً تائهاً
ملاح سارية 00
تقصف لوحة
والابن 00 أين 00؟؟!
قصفتك صخرات التهجي
واستبقت خُطاك
فانبجست حروفك
ملؤها مرثية
شقت ضلوع الوالدين
متروكة في مقلتيك
دموعهم
والفلك ضاع
****
كل الذين استقبلوك
إلي الحياة
ترحلوا00!!
فاضت علي قسماتهم
صور الجفاء
و أربدوا 00
ما كان ضرك
لو أقمت بساحتي ؟؟
وأقمت هيكلك القديس
علي جوانحي مهجتي
وأممت قلبي في صلاتك قبلة
كل الذين استقبلوك إلي لحياة
ترحلوا000
ساروا علي حيد الطريق
ثيابهم من سندس

*******

الكميرا تتابع اللحظات والتاملات سيدة الشولي وتقي المرسي

درويش

شعر سيدة الشولي

الحَبْ المنثور
آثر أن يصمت
لَمْلَمْ أوراق العِلَة
وتَخَلىَّ
وآت الحرف
حاصر داء الوطن
في القلب ..
وفطن ...
أن اتركْ الحصان
وأن اتركْ فوهة البركان
ونمْ

الشاعرة نجلاء فتحي تلقي قصائده
بنات أبوللو اله الشعر
نجلاء فتحي واماني و امل البرمبالي وسيدة الشولي وتقي المرسي


كاميرات محمد بيصل تسجل وعيون أشرف الفضالي تتابع بإهتمام شديد

الشاعر البورسعيدي إبراهيم ابو حج يلقي قصائده



الشاعر محمد زيدان يبيع

الشاعر مصباح المهدي يلقي قصائده
نِهدْ الدور

كمان فلاح وميت تاجر
وواحد بسْ سيتني الإيراد كله
تعالي إشربْ معايا الشاي
بتستغربْ00!!؟
لا أنا زراع ولا قالع
ولا خالع ولا مخلوع
أنا الممنوع من الحركة
تحب نخشْ في الموضوع
" أنا المصري كريم العنصرين "
سامع وعامل نفسي مش سامع
وعاملها علي روحي
من الدوشة اللِّي في وداني
وخايف ادخل الجامع
يبان شكلي 00
ومن شكلي
يبان إيه انقطعْ فيَّا
ومين قطعْ حبال الوصلْ
بين الله وبين روحي ؟
وبيني وبينه قام هو
وليه كام ليه ؟
دخل جلدي اللِّي مش إنسان
حسب عرض وطلب سوقه
وليه سوقه ما فيش له باب
يفوت منه علي التوبة أو العصيان
ـ تحب أرصْ لك دخان ـ ؟!
منين ادفع تمن فوت العجل فوقي ؟!
ولو ادفع 00!!
منين ادفع تمن صوتي ؟
طلع صوتي
لحد السِِلِّمة العشرين
من السرداب
ما حَصَّلْ باب
يا ريتك تقفل الطابق
معايا بلاطة
معاك كام ؟
دبش درجي 00
وشيش البيش
يا قوة سيدي مدبولي
تروح بالميَّة والواحد
تحب نمدها خمسين ؟
منين الجر0؟!!
ع المكشوف 00!!
ومن دمِّي اندفع
للخوف فواتيره
وجا دوركْ
أشيل همْكْ
وهمْ اللِّي ما شال همْكْ
وأحوِّلْ لك حطب دمِّي
علي نمرة حساب دَمْكْ
وأعبيِّني من الغربال
تفوتني إخرام بشرياني
واجيلك ناي 00
اغنيلك
وأقوم ليلك نهار ليلك
ومن دمع الأسى المالح
يفيض نيلك
****
أنا الأراجوز وأنا المسرح
و أنا ـ ابن الكلبْ ـ
كبش الفدية في المدبح
ووقت الجد 00
قلبي مخازن الديناميت
تسعْ بفَّات
في دور واحد 00!!
يا راجل وحد الواحد
كمان فلاح وميت تاجر
وواحد بسْ يستني الإيراد كله
نِهِدْ الدور

جهنم جد..

[color=#0000FF]سمك ع البحر
ناس ع البر
داخل غزل غازلينو
سمك بجنيه
شبه ناسو اللي شاريينو
سمك فينو
سمك له ناس
أكيد غير اللي صايدينو
سمك في البحر
ناس ع البحر
فين مين يطبخ الاتنين
فيك مين يكتم الأسرار؟!

أنا سمكة
وكانت قبل ما اخترعوا الشبك
شبكة
ولما اصطادك الصياد
بقت سمكة
أنا وناصب فخاخ ليا
عشان اطلع بي م المولد
واصطاد مني راحة بال
أنا .. والمية .. والسنارة
والقعدة اللي مش ع البال
ملوك الطايفة منحوني
وسام صياد
وصفحة بوذي
خرقة صوفي م الزهاد

بقيت منهم :
دماغ مدلوق
وعين صافية
وصوت طالع نغم مجنون
وقلب حنون
على السمكة اللي من عينها
القدر صادها
وع السمكة اللي في معادها
التقت بيا
وانا قصادها
" خرجت إلى ّ من جلدي "
لقيت واحد غريب عني
صحيح يشبهني بعض الشيء
لكنه جريء
بحد السيف يقول:
أخرج على ناسك
إذا تركوك
تصارع غول أكول
وأنت الجعان ياكلك
أسد شبعان

أنا التاني طلع أبوذر
طلع شايل أنين الناس ف تليسة
وحامل هم إبليسه
وهم اللي قفل كيسه
على الفاضي
عمل قاضي

أنا التاني .. أنا وأبوذر
والحر اللي كان في مدينة الهجرة
هنا ف شبرا
هنا ف يومية بالأجرة
هنا ف إعلان عن الكفيار
عن البودرة
فياجرا
وفرشة بالمنفاخ
وبالقدرة
بشر عايشين جهنم جد
مش خضرا ولا حمرا ![/

color]



الشاعر أشرف الفضالي يلقي قصائده

الشاعرة أمل البرمبالي تقبض علي شيطان الشعر

الشاعر احمد راضي اللاوندي يلقي قصائده
أنا والشيطان
قلِّبْ في حجرك و شوف
وسط الحصا حجارة
وارجمني قبل الشيطان
علي ناصية الحارة
اغسلْ ذنوبي وطهَّر
بالرجم جسمي
بكره التاريخ ع الورق
يتبرَّي من اسمي *
******
اسمي اللِّي كان وقتها
بين التاريخ مسموع
يفزع قبايل ويزرع
في البطون الجوع
خلِّيني عبرة رديئة
أو مثل ملعون
شبحها يفضل يطارد
أي جنس يخون
*****
إقطعْ لسان اللِّي يسبَّح
بالعدد في المال
وارميه لطفل إتحرمْ
من ضحكة الأطفال
يلعَّبه وسط الطريق
سبع طوبات أو ميس *
ويغنِّي ساعة النشان
صاحب اللسان ده خسيس
******
خلْيِّه يشوط لحيتي *
يبدرها في السكة
أنا اللي جبت الشيطان
يسكن في ريح مكة *
أسخْره لخدمتي
ولخدمة المساكين
أخذ الزمام مني
وشقلب الموازين *
*****
أقرا ف تبارك
وسورة البقرة أو أسمِّي
يمسك لساني
وأحسْ بأني متغمِّي *
سخَّرني لخدمته
ولخدمة إخوانه
لقتني وسط الوحوش *
أشد أعوانه
*****
اصلبني وسط الميدان
والصَّلبْ ما يكفيش *
إرميني حزمة حطب
في نار طابونة عيش*
أنا اللِّي آثم 00وقاسم
إني ما خون العهد
رسم البراءة في جبيني
بمخالب فهد
*****
كل الجيران خونتهم
ولا سبت منهم حدْ *
شوف الشرارة
اللِّي بنفخها
اللي صبحت نار
ولاَّ الضحايا
اللِّي بنهشهم بمخلابي
معزوم عليها الوحوش
من كل أصحابي
*****
أرجمني قبل الشيطان
أنا والشيطان محاسيب*
وامسحْ دموع الضحايا
قبل الشموس ما تغيب
اشفي غليلهم
قصاد الخلق وإتشفَّي *
وخد بتارهم بإيدك
من قبل ما أتوفَّي *


جيل بعد جيل
لحد موْصلْ
آخر الجسر البعيد
جسري اللِّي ف الأحلام
بشوفه نهار جديد
طالع وقرص الشمس
لساه واد صبي
يتوضا بالنسمة
وجايب تشربي
ينبلْ ريقك
ينصلبْ طول النخيل
وأنا و الولاد
نجني الرطب ْ


جيل بعد جيل

مليون سنة
واتزحزحت ضلَّيتي
من تحت السما
والشمس تنزف نار
وتوليفة عما00!!
مبقتش شايف
غير خطاوي ملعبكه
وطريق بيروي في شوكه
من دمع البكا
بتفوت عليه البسمة
يبدلْها اكتئاب
مليون سنة
اللحظة اللِّي
يخلقها العذاب

المنقبات يستمعن الشعر في الركن
البعيد الهادي تحت الحراسة الأمنية

قصيدة للشاعر حسنين بدر

شــــوق

إن كان عصفورى
لقي في إيديكى غلاته
إديه ...
وإن ملقاش / صديه
ما تمديش الكدب جسور
ما بقاش فى جناحه كتير
علشان يتسابق مع ريح الحزن
أو حتى يطير
ما بقاش غير انه / يلقط حبات الفرح
أو حتى يتدارى فى حضنك
بيعيش قدامك / لكن مش شايفاه
وبرغم انه ...
إن ساب العش يموت
ما بتحميه
وفى نفس اللحظة بتخافى عليه
إحتار إنه
يعشش جوه فى بلكونتك
ما يلاقي العش .
ما تسبهوش يغرق فى الصمت
وإن كان العش لغيره
دليه / يبعد
وإن كنتى ناويه تحميه
إرميله الحب /
الإخلاص .
هيغرد ويطير .

شعراء بور سعيد عبد الناصر حجازي و محمد حجازي و إبراهيم حج يستمعون بإهتمام


الشاعر الواعد خالد ومدرس اللغة العربية صاحب الخواطر


جانب من الأمسية ، الشاعر مصباح المهدي وصلاح بدران

أحمد الشربيني يلقي بعضاً من قصائده
شــــــــــرنقه
للحزن طعم الوجع,
والوهم ضل الخوف.
جوايا بصة قلق
عنها الحجاب..مكشوف
بينى وبين ضحكتى ..
م الحزن فيه..
مسافات!
دارت سواقى الليل,
ماسألت كام..
مسافات؟
شرنقت خوفى بصمتى
يافكره ليه صمتى..
عن شهقة الآهات؟
ملح الحياه الاغتراب..
فتشت فى المجهول!,
سرسب نهار الصبا..
مالمحت ضى وصول,
موصول ياطول السفر
بالغربه والا حزان
ياصبح بكره..
- ان كان -
دبل جراح أمسى
أنا فرحى ملك الناس,
والجرح مالكنى
يامين يشاركنى..
-وقت الصفا – همسى
أنسى تاريخ غربتى,
واتذكر الخلان
حضن الحبيبه.. وطن,
ضل الصحاب..بستان.
فتان ياغيط الونس..
ياواحه للقلقان,
ياأدان لفجر اتخطف..
فى بكارة المشاوير
فرفط سنين البراءه..
فى عتامة
التد بير
شبح الظنون.. هزنى,
وعيونه بصالى!
روح العناد الصبى..
تسرى فى أوصالى!
خيال ..
خياله عنيد
ترمح مسافاته
يهزمنى صوت البكا,
تحيينى دمعاته.
مجنون.. أكون ..
بالفضا,
واعشق جموح الريح,
يهتك حصار الشرنقه
وبأجمل الألوان
يطلق فراشاته

بكره000!!؟

من هنا مشي جدي
اللي كان فارس
ف جيش النخوة والعزة
طريق حورس
وحد الحد جدار قلبه
ما بين سينا وجبال قادش
سرق الغدر سنين عمره
وساب ف الصحرا أنجاله
وقدس القبلة اللي كات داره
ومن جوعه وحرمانه
يبات يكتر في الذكري
يجر أماله ملضومة
في حبل التوهة كم فكره
يلاقي الخطوة مرسومة
علي قد الحفرة و العثرة
يعاتب نفسه باللومة
يقوم مفزوع من الحسرة
ويتسند علي الأيام
ما راحت منه سنين عمره
فمات قبل ما يجي بكره

سحور رمضان

موضه يا سادة
ف كل عام
رمضان بيجيلنا
جايب معاه
سحور زبادي
وياميش قطايف
صنع بلادي
ع المدنة ادن
وقال ونادي
يا صبح نادي
كيد الأعادي
ليلنا طوُّل
في البعاد
لولا الملامة
لكنت قلت
حداد ما مات
تليمذ في فصله
مش ناسي اصله
استاذ في فنه
ومغنواتي
علم يا سيدي
كل الولاد
بيتين قصيدة
للِّي آتي
وإيه المراد
شاعر ببازة
قلبه طيب
ومسحراتي
يدور ف حارته
يشعر حكايته
اول قصايده
بانت سعاد
*****
يزعق ينادي
رمضان كريم
اصحي يا نايم
وحد الدايم
الحق سحورك
وقتك ودورك
ليقولولك
فات الميعاد
****
المال كتير
والأب غايب
الولد سايب
والعقل خايب
بلاش نعيِّب
لكن الأكادة
العيد قريب
*****

رمضان يا غالي
هل هلاك
الكل عاشقك
سهران قبالك
حتي السما
بص بعيون
متكحَّلة
بنجوم ليالي
وأنا اللي عاصي
ونفسي اتوب
رافع الكفوف
قلبي سليم
يمكن يارب
ترأف بحالي
وأنول مرادي
اصحي يا نايم
وحد الدايم
رمضان كريم
****

يا حج عبده
وحد الدايم
سمعنا صوتك
صاحي ولاَّ نايم
النجمة قالت
فين اللي جبته
من غربتك
الغربة طالت
جايب لي سبحة
وسجادة خضرة
وطاقية بيضة
لناس مكافحة
جايب لي نفحة
م الغربة ديّه
فين عمتك
وإيه اللي راح
شرف البنية
وسمعتك
اسمع وعد
لساها دوختك
وقهرتك
ملهاش حد
قول وعيد
البت حبت
و لحظة مالت
ملقتش حد
ياخد بإيدها
ولا فيش مرد
لا أب حاضر
ولا أم جامدة
تقدر تصد
مهره وهاجت
والصرع فالت
الأخ خامل
سهران يكركر
بُدْرة وخمرة
ويَّا الأسافل
جوازة عرفي
من واد لئيم
قالت يا حوستي
البت حامل
****

قالواجوزها
فلقْ وشحط
عقده سليم
خايب ومحط
عاطل وصايع
دا واد لئيم
وما يحتكم للقمته
أو هدمته
ربع مليم
*****
تلميذ ف جامعة
والخلق سامعة
شهقه ف قلب
الخد شاحب
محروت بدمعه
أصل الفضايح
نارها والعة
تعمل فضيحة
لأي أب
****
اصحي يا نايم
وحد الدايم
يا اللي ف حياتك
ظلمت نفسك
وكمان لعيلتك
كنت ظالم
شوف ولادك
ليضيعوا منك
وكل جريك
يروح في جريك
علي المحاكم
لا يرد هيبتك
ولا شرف بنتك
ولا المظالم
اصحي يا نايم
وحد الدايم
رمضان كريم
****
دكتور محمد
يا أبو العيال
ما هو دي
سر القضية
شغَّال يوماتي
عند الأمير
ومافيش ماهية
****
الأب هاجج
في بلاد نبينا
لا راحها طاير
ولا بسفينه
شق بدراعه
الله يعينه
جبال المحال
عشان يوميه
عشرة ريال
يقسمها شركة
ويَّا كفيله
حاجز جوازه
عشان يكيده
لو ما دفعش
يشيل قضية
شفت المظالم
إصحي يا نايم
وحد الرزاق
رمضان كريم
****

يا ستي يمني
يا مدرسة
دا علم جالنا
صنعة غيرنا
فن ومهارة
مرسوم بدقة
وهندسة
ساعة بكاتينه
عقارب ومينا
متظبطه بالمنقلة
ولا حد حاسس
بالمسألة
الوقت وخري
ولاَّ بيجري
نصحيِّ ولادنا
ولاَّ نسيب
عين اللي نايم
متغمضه
اصحي يانايم
وحد الدايم
رمضان كريم
****

يا ست سحر
الورد رتل
شوقنا نسايم
هفف رحيقه
علي الحبايب
الحاضرين
ف حضن قلبي
واللي غايب
الصاحي منهم
واللي نايم
علي الغصون
الفجر قرب
والعيد قريب
دنا قلبي حبك
اصحي وجرب
أنك ترتل
كلام ربك
بصوت حنون
اصحي يا نايم
وحد الدايم
رمضان كريم
*****


الليله صافية
وقمرها لسه
بيقول يا هادي
صحَّا ولاده
نجوم وزاهية
حرسه بلادي
****
وانا وانت
يا أختي
زرعنا شجرة
طرحت ثمرة
وبنت قمره
عيل صغير
ابني وابنك
اسمه أحمد
اسم نبينا
نور بلالي
بشكر ويحمد
رب الخلايق
ف السما
عالي
ع المدنه حطوا
عنوان هلالي
أخضر ولوِّن
قلبي وإيماني
*****

أصحي يا اختي
أصحي يا زاهية
الفجر قرب
جايب نسايم
ريحة الحابيب
اصحا يا نايم
وحد الدايم
رمضان كريم
******
يا قلوب قايدة
ف ليالي ضلمه
القلب شمعة
والخلق يا ما
شايفه وسامعه
****
حقد اليهود
صوت البارود
غطي علي
مزامير داوود
أمتي الأمان
لينا يعود
إبكي بحرقة
****
يا فجر بكره
إزعق ونادي
وصحِّي شمسي
تكيد الأعادي
شمَّر دراعك
وقول يا هادي
يطرح وادينا
الورد نادي
واليلة نادية
يا عم حسين
صحي نادية
الفجر قرَّب
جايب نسايم
ريحة الحبايب
جنة وشهدا
اصحيا يا نايم
وحد الدايم
رمضان كريم
*****
الغربة نار
يا نور عيني
في عزعز
برد الليالي
وانت لك عندي
يا غالي
مع كل نسمة
طايره مسافره
أبعت معاها
حضن من قلبي
****
يحضن ف قلبك
والنبي يا نسمة
ما تتاخري
وإنتي مسافرة
روحي وتعالي
ردي شوقي
مع النسايم
اللي حايبه
ريحة الحبايب
اصحا يا نايم
وحد الدايم
رمضان كريم
****

يا حاج صبح
يا حامدي
اللهجة طبع
حرف سهل
علي اللسان
والظلم عتمة
ضلم بلادنا
وما كنش نور
ولا شمع قايد
غير فن مصري
وإذاعة تدوي
ذي النفير
شئ عجيب
تنقل كلام
عبر الأثير
الشوق يطير
يحضن حبايب
وكمان قرايب
في الجزيرة
والشام حليب
حجيج وطايفه
مهلله ومكبرة
بصوت حزين
تلقي دعاها
مزروع ف قلبك
يطرح حنين
ما يحلا إلا
بدعاكوا لينا
وللسامعين
****
ساعة الصلا
كل اللي سامع
يقول معانا
يقول آمــــين
اصحا يا نايم
وحد الدايم
رمضان كريم
******


جو يا صاحبي
يعقوب نبي
ابو العيال
أسباط ف مرعي
شققا وعصبه
الغدر قال
إرموه بقوة
ف بير غويط
ابونا مال
فرق مابينَّا
راحت المروة
والأخ شال
من قلبه لسود
حق الإخوة
*****
جب وغويط
والدنيا عتمة
مكاّر حويط
وكدبه له كدبه
****
قال لأبوه
دا غدر ديب
لا غرز نيابه
ف لحم الحبيب
ماهو أصله يا با
ديب رحيم
لمَّا عضه
لا نز دمه
و لا شق توبه
ولاحتي بدمه
عاص هدومه
وادي قميصه
لساه سليم
اصحي يا نايم
وحد الدايم
رمضان كريم
*****
يا عم محمد
يا بو سعيد
انت سامعني
لمَّا بغني
ولا ولا
أوعي تقولي
صوتك بعيد
****
لفيت وقلت
في الطليعة
ناسها هناك
أخلاق بديعه
كل واحد
ملبوخ ف حاله
من هم بلده
واللي جري له
سحَّرت اشرف
فلقيته صاحي
نده محمد
وصحا زاهية
بعتولي كلمة
كلام مجاملة
حاسب يا شاعر
لتروح ف داهية
الفجر قرب
جات لي فكره
قلت هامشي
وسبت باقي
الخلق نايمة
لصبح بكره
الفجر آت
ربك دا عالم
بالأمنيات
وباللي جي
وباللي فات
اصحا يا نايم
وحد الدايم
رمضان كريم