لو ناسي الأجل المتقدَّر
في علم الغيب
كل يوم نور الشمس
بيرحل ويغيب
****
فنهاية الرحلة المتخبيِّ
لعالم الغيب
بيجي علي فكرة
اليوم أو بكره
من غيرما يبعت
إنذار يا حبيب
غير بس
ينحني ضهرك
ينحني ضهرك
ويزيد حزنك وقهرك
وتعجِّز ْبدري
وتشيب
****
****
ما تخافش يا سيدي
من نار الشيب
دا علامك نضجك
ورجاحة عقلك
دا علامك نضجك
ورجاحة عقلك
الشيب يا صاحبي
موش عيب
****
كم ألف عروسة
بتتمني واحد زيك
راجل شايب
حكيم ورزين
ناجح في حياته
ومش خايب
متعلم من لغة الطير
إزاي يغفر ويسامح
ويعالج العيب
*****
عالم متعلِّم
عالم متعلِّم
في حاته ناجح
يقدر بسهولة يلجم
غضبه الجامح
في طرفة عين
برجاحة عقلة
ورحابة قلبه
يغفر ويسامح
في طرفة عين
برجاحة عقلة
ورحابة قلبه
يغفر ويسامح
فصبح بين أهله
م القلب قريب
***
أنا مرة سمعت
كلام ستي
في السربتنصح
أختي بنتي
: لو خدتي يا هبلة
واحد أكبر منك
ماهوش عايب
بحنانه يا حلوة
يدلع شوقك
حتى لو كان
كهل وشايب
ما هو أصله
ف الحب طبيب
****
و أوعاكي
من شاب لئيم
له نظرة عين
قاتلة و ساحرة
بكلامه الناعم
اللِّي كأنه
ألحان عصافير
ياخدك للقمرة
والنجمة الساهرة
من غير م يطير
****
يزرع في جناينك
أشواق وحنين
ويملِّس بكلامه الناعم
علي خصلة شعرك
ويحرك قلبك ومشاعرك
ويحط علي جزوة روحك
نار علي بنزين
وف لحظة عشق
وانتوا تايهين
يقطف ويدوق
رحيق شهدك
حلو مقطَّر
وعد ومكتوب
ومقدَّر
اصل المسكين
زي حلاتي
من ضي عنيكي
اللِّي بكهْربْ
ماشي بالمقلوب
لا قادر يبعد
ولا يهْربْ
ولا حتَّى يتوب
ليست هناك تعليقات:
إرسال تعليق