منك لله يا معاوية
علِّمت ولاتنا الغََصبْ
وفن نهب الجزية
ومص الدم من القلب
****
بنيت مجد أمية
بغدر وخدع الحرب
شديت شعرة من اللِّحيَّة
مربوطة ف سط الشعَبْ
ترْخيها يشربوا ميَّة
وتشد وهاتك ضَربْ
*****
منك لله يا معاوية
مهدت طريقة ودَربْ
لحكم ولاد الجارية
ملوك سلاطين العُربْ
*****
قال إيه شرطين البيعة
م العيلة ولي العهد
لو كان سفيه وعبيط
ينطاع ولازم ينحب ْ
*****
لسة محافظين ع العهد
وبياخدوا أمن وعهد
من كام دولة ف الغرب
منك لله يا معاوية
عيِّشتْ الخلق ف رعب
والخلق فاقدة الحيلة
بيدعوا كل ليلة
رافعة الأيادي
للرب
ليست هناك تعليقات:
إرسال تعليق